Mille passi

Testo originale

O l'ha e scarpe de lustrin
a camixia inamidâ
a giacchetta e-o mandillin
farfalletta de Côonâ
brillantinn-a in abondansa
riga drîta in bolla d'âia
o-e basette a-a Valentin
e se-o passa o fa de l'âia

Mille passi o l’è o Pasqoìn
tutte e sale o l'ha frustæ
e ascì cuòchi e camerieri
a Primaveja e Dai banchæ
all'Operaia o l'imperava
tutte e dònne ean e seu
qoando a-o banco o l'ordinava
“sette bîre e ‘na gazeu”
“co-a biglia?”
“scîe”

Qoande a-o ballo o domandava
“A Rosetta a balla ben?”
in-to stròscio l'acoegâva
criâvan tutti comme chein

In-te gare de zitèn
o l’ea pròprio in gran campion
o faxeiva l’anversè
o se inguggeiva in te ‘n lampion
e mazorche co-e polchette
o l’ea pròprio ‘na demôa
se-o metteva anche e treççette
o fâva angoscia in tanto a l’ôa

Mille passi o l’è o Pasqoìn
tutte e sale o l'ha frustæ
e ascì cuòchi e camerieri
a Primaveja e Dai banchæ
all'Operaia o l'imperava
tutte e dònne ean e seu
qoando a-o banco o l'ordinava
“sette bîre e ‘na gazeu”
“co-a biglia?”
“a l'è a seconda vòtta...”

Qoande a-o ballo o domandava
“A Rosetta a balla ben?”
in-to stròscio l'acoegâva
criâvan tutti comme chein

Mille passi, ciaò Pasqoìn
personaggio òrmai passòu
con ‘sti balli a pendolin
in te ‘n canto t’han caciòu